Аьа5ас уруок

«Кинигэ – киинэ»

 (үбүлүөйдээх саха суруйааччыларын киинэ буолбут айымньылара) аһаҕас уруок.

 

Киинэ сылын чэрчитинэн «Кинигэ – киинэ» диэн үбүлүөйдээх саха суруйааччыларын киинэ буолбут айымньыларынан, Үөрэҕи  сайыннарар уонна идэни үрдэтэр институт көрдөһүүтүнэн, республика араас муннуктарыттан оскуола библиотекардарыгар аһаҕас библиотечнай уруок 8 «а» кылааска (кылаас салайааччыта Кириллина К.Т.) буолла. Уруок иннинэ гимназия иитэр-үөрэтэр үлэтин туһунан директоры солбуйааччы Светлана Алексеевна билиһиннэрдэ. Онтон ыалдьыттарбыт оскуола устун экскурсияҕа сырыттылар, Венера Илларионовна музейыттан суруйааччылар олорбут кэминээҕи туттар мал-сал быыстапкатын сөҕө-махтайа көрдүлэр.

Уруок 5 түһүмэҕинэн барда:

1 түһүмэх: Д.К. Сивцев-Суорун Омоллоон, А.И. Софронов-Алампа олохторугар ыйытыылар. (Кассаны толоруу).

2 түһүмэх: Алампа «Куораччыт» кэпсээнигэр викторина.

3 түһүмэх: С. Омоллоон «Хараҥаҕа тыкпыт сырдык» кэпсээнигэр викторина.

4 түһүмэх: «Тыл суолтатын быһаар». Үөрэнээччилэр тылдьыты кытта үлэлэрэ, «Аlias» оонньуу.

5 түһүмэх: Айар үлэ. Бэриллибит айымньыттан быһа тардан киинэ оонньоон көрдөрөргө холонуу.

Уруок уолаттар «Тоҕус хомоҕой хоһоону» дорҕоонноохтук ааҕыыларынан түмүктэннэ. Ыалдьыттар гимназиябыт үөрэнээччилэрэ уруокка көхтөөхтүк кыттыбыттарын сэргии-сэҥээрэ көрдүлэр, махтал тылларын эттилэр.

Добавить комментарий