«Читающая мама-читающая страна!»

Ахсынньы 13 күнүгэр «Созвездие» библиотекаҕа куорат оскуолатын 4-с кылааһын үөрэнээччилэрин ортотугар Россия Ийэлэрин Ассоциацията, Оскуола библиотечнай ассоциацияларын региональнай представительствотын, Саха сирин Үөрэҕин Министерствотын, Үөрэҕи  сайыннарар уонна идэни үрдэтэр институт көҕүлээһиннэринэн дьиэ-кэргэн «Читающая мама-читающая страна!»  күрэҕэ хас да этаабынан буолан ааста.

Дьүүллүүр сүбэҕэ Борисова Прасковья Петровна — Россия Ийэлэрэ, Алексеева Галина Ивановна- ИРО и ПК директора, Платонова Марианна Васильевна — Саха сирин Үөрэҕин Министерствотын специалиһа, «Созвездие» библиотека сэбиэдиссэйэ үлэлээтилэр.

Куорат араас оскуолатыттан 8 дьиэ-кэргэн кытыыны ылла. Биһиги гимназиябыт чиэһин Кривогорницына Анна-Мария (4 «а» кылаас) ийэтинээн Екатерина Анатольевналыын көмүскээтилэр. Күрэхтэһии 5 түһүмэҕинэн олус көхтөөхтүк, интэриэһинэйдик буолла.

Түмүккэ 1 миэстэ 17 оскуола, 2 миэстэ – биһиги гимназиябыт, 3 миэстэ – классическай гимназия дьиэ-кэргэттэрэ буоллулар. Күрэххэ кыттыбыт дьиэ-кэргэттэр бары сыаналаах бэлэхтэри туттулар, кыайыылаахтар, ол иһигэр биһиги Кривогорницына Анна-Мариябыт, «Океан» лааҕырга сынньанар путевканан наҕараадаланнылар.

Добавить комментарий