Ийэ тыл кунэ

“Хомуһун тыл, хомоҕой хоһоон” түһүлгэтэ

бөлөҕүнэн өйтөн сахалыы хоһоон ааҕыы күрэҕэ

Төрөөбүт төрүт тыл
Сөрүүн сүөгэй курдук
Сүрэҕи-быары сөрүүргэтэр,
Убаҕас отон уутун курдук
Улахан куйааска утаҕы аһарар,
Сырдьыгыныы көөнньүбүт
Сылгы кымыһын курдук
Тостор куйааска тоҕулу ханнарар…
А.А. Иванов – Күндэ
Дьокуускай куораттааҕы национальнай гимназиятыгар “Ийэ тыл” күнүгэр аналлаах нэдиэлэ чэрчитинэн, саха суруйааччыларын хоһоонунан айымньыларын үүнэр ыччакка тарҕатар, оҕо өйүгэр-санаатыгар иҥэрэр, төрөөбүт тылга, литератураҕа тапталы иитэр сыаллаах, “Хомуһун тыл, хомоҕой хоһоон” өйтөн ааҕыы күрэҕэ гимназия 5,6,7 кылаас үөрэнээччилэрин ортотугар ыытылынна.

Быйылгы күрэх ирдэбилинэн 5-тэн элбэх кыттааччылаах бөлөх ааҕар хоһооно төрөөбүт тыл эбэтэр быйылгы үбүлүөйдээх саха суруйааччыларын хоһоонноруттан дорҕоонноохтук, уус-ураннык ааҕыы буолар.

Барыта 9 кылаас кытынна. П.А. Ойуунускай аатынан музей научнай үлэһитэ Дохунаев Егор Николаевич салайааччылаах дьүүллүүр сүбэ оҕолор ааҕыыларын үрдүктүк сыаналаатылар, туһалаах сүбэлэри биэрдилэр.

Түмүккэ 1 миэстэни – 6 “б” кылаас, 2 миэстэни – 5 “б” кылаас, 3 миэстэни – 6 “в” кылаас бөлөхтөрө ыланнар үөрүү үрдүк өрөгөйүн биллилэр.

 

Добавить комментарий