«Үрүҥ хаар алгыһа» («Благодать большого снега»)

Алтынньы 16 күнүгэр биһиги гимназиябытыгар норуоттар икки ардыларынааҕы «Үрүҥ хаар алгыһа» («Благодать большого снега») V фестиваль ыалдьыттара улахан кылаас оҕолорун кытта көрүстүлэр. Ыалдьыттарбыт Даулеткерей Капулы Казахстан, Афаг Шихли Азербайджан поэттара уонна саха народнай поэта Наталья Ивановна Харлампьева,народнай суруйааччы,драматург Василий Егорович Васильев-Харысхал гимназистарга анаан бэйэлэрин айымньыларын аахтылар,бэйэлэрин санааларын үллэһиннилэр. 9 «Б» кылаас оҕолоро Саха сирин туһунан дириҥ ис хоһоонноох композицияны көрдөрдүлэр, 10 «А»кылаастан музыкальнай айымньыны кырыымпаҕа,фортепианоҕа толорон иһитиннэрдилэр.
Суруйааччылар оҕолордуун ис сүрэхтэн ирэ-хоро кэпсэттилэр,алгыстарын тиэртилэр.Ыраахтан сылдьар ыалдьыттарбыт:»үчүгэй ыччаттардаах ,киэҥ кэскиллээх омук эбиккит»диэбиттэрэ биһигини долгутта даҕаны,үөртэ даҕаны.

Добавить комментарий