«Кэрэ Куо — 2020»

Кулун тутар 7 күнүгэр, үтүө-кэрэ cааскы кэмҥэ, гимназиябытыгар сылын ахсын үгэскэ кубулуйбут «Кэрэ Куо» күрэхпит ааспыта.

Кэрэ кыыс тас дьүһүнүнэн эрэ кыраһыабай буолбакка, кини ис дууһатынан, өйүнэн–санаатынан, билиитинэн–көрүүтүнэн баай, майгытынан-сигилитинэн үтүө, сырдык буолуохтаах.

«Кэрэ Куо» күрэхпитигэр  8 – 11  кылаастартан биирдии кэрэ куо кыттыыны ылла. Күрэх сыала-соруга: Чөл олоххо тардыһыы, кэрэҕэ угуйуу, саха кыыһын сырдык, үтүө холобурун үрдэтии.

Күрэхпит үс түһүмэхтэн турбута. Ол курдук, кыргыттарбыт уустаан — ураннаан бэйэлэрин билиһиннэрбиттэрэ, олоххо-дьаһахха сыһыаннаах ыйытынньыктарга эппиэттээбиттэрэ уонна талба-талааннарын кистэлэҥин арыйбыттара.

Күрэх түмүгүнэн 10 номинация быһаарыллынна:

«Чэмэлиинэ Куо» (Мисс зрительских симпатий) – Березкина Алина 8 «Б»

«Мичийэ  Куо» (Мисс Улыбка) – Николаева Алекса 8 «В»

«Талбаана  Куо» (Мисс Грация) – Максимова Анастасия 9 «Б»

«Айархаана  Куо» (Мисс Креативность) – Семенова Августина 8 «Г»

«Айталы  Куо» (Мисс Талант) – Дмитриева Анисья 10 «Б»

«Ньургуйаана Куо» (Мисс Интеллект) – Лаврентьева Нарыйаана 11 «Б»

«Сайа Куо» (Мисс Дружба) – Иванова Уйгууна 8 «А»

«Сахайаана Куо» (Мисс Якутия) – Игнатьева Наталья 9 «А»

«Туналы  Куо» (Мисс Скромность) – Макарова Анастасия 11 «Б»

«Арылы  Куо» (Мисс Очарование) – Искакова Айсулу 10 «А»

Онтон «Кэрэ Куо – 2020» үрдүк ааты ылла 10 «Б» кылаас үөрэнээччитэ Дмитриева Анисья!

Убаастабыллаах учууталларбытын, гимназия үлэһиттэрин, бары кыргыттарбытын ааспыт кэрэ аҥаардар күннэринэн итиитик — истиҥник эҕэрдэлиибит!

«Кэрэ Куо» күрэх хаатыскаларын манна күрүөххүтүн сөп
https://vk.com/album-109825_270743417

Добавить комментарий