Балаҕан ыйын 11 күнүгэр бэлиэ Сэргэ туруоруута.

Клавдия уонна Герман Хатылаевтар, төрдө биллибэт, түгэҕэ көстүбэт, инникитэ кэскиллээх, киэҥ куйаар ситимнээх, саха омук төрүт дорҕоонун оскуола саастаах оҕолорго, 2000 сыллаахтан «Дьокуускай куораттааҕы национальнай гимназияҕа» үөрэтэн саҕалаабыттара. Айымньылаахтык, киэҥ далааһыннаахтык үлэлииллэригэр төһүү күүс-көмө, өйөбүл-тирэх, сүбэ-соргу буолан, бэйэлэрин уораҕайдарыгар, гимназияларыгар, дьарыктанар хос булан биэрэн оҥкулларын олохтоспут үтүө-мааны дьонноругар Гимназия дириэктэригэр, философскай наука кандидатыгар Николай Константинович Чиряевка, кэргэнигэр педагог-психологка Антонина Гаврильевнаҕа махтанан туран, А.Г. уонна Н.К.Чирээйэптэр ааттарынан Дьокуускай куораттааҕы национальнай гимназия тиэргэнигэр, балаҕан ыйын 11 күнүгэр тулхадыйбат тулааһыннаах Сэргэ бэлиэ туруордулар. Кэлиҥҥи кэмҥэ Хатылаевтар оҕолору кытта тэҥҥэ эдэр ыччаты, улахан дьону төрүт дорҕоон доҕуһуолугар иитэллэр-үөрэтэллэр.

Сэргэ ууһа Александр Кириллович Павлов ООО «Киэргэ» салайааччыта.

Добавить комментарий