“КӨМҮС КҮҺҮН БЭЛЭХТЭРЭ – 2020”

ДИСТАНЦИОННАЙ  ТЭРЭЭҺИН ПРОГРАММАТА
БАЛАҔАН ЫЙЫН 24-25 КҮННЭРЭ 2020 сыл

Төрөөбүт дойдуга тапталы иҥэрэр, гражданскай-патриотическай өйгө-санааҕа иитэр, кэрэ өйдөбүлү иҥэрэр, оҕо дьоҕурун-талаанын арыйар, айылҕаҕа харыстабыллаахтык сыһыаннаһыыны иҥэрэр сыаллаах-соруктаах А.Г. уонна Н.К. Чиряевтар ааттарынан Дьокуускай куораттааҕы национальнай гимназия сылын ахсын үгэскэ кубулуйбут күһүҥҥү бырааһынньыгын Instagram, YouTube нөҥүө балаҕан ыйын 24-25 күннэригэр бары сүһүөхтэри тус-туһунан бириэмэннэн аттаран ыытар. Кылаас кэлэктииптэрэ сайыҥҥы битэмииннээх өлгөм үүнүүлэринэн, оҕуруоттарын астарынан хаартыскалаан “Көмүс күһүн бэлэхтэрэ” күрэххэ презентация оҥороллор уонна биирдиилээн кылаас аатыттан кыыстаах уол кыттар «Көмүс күһүн» күрэххэ күрэстэһэллэр. «Көмүс күһүн» күрэх үс түһүмэхтэн турар: кыттааччылар уустаан-ураннаан бэйэлэрин билиһиннэриэхтэрэ, тупсаҕай көстүүлээх, бэйэлэрэ толкуйдаан, тутан-хабан оҥостубут күһүҥҥү таҥастарынан-саптарынан хараххытын сылаанньыттыахтара, уран тарбахтарынан минньигэстик астаабыт күһүҥҥү бүлүүдэлэрин билиһиннэриэхтэрэ, хайдах астанарын кэпсиэхтэрэ. Көрөөччүлэр сөбүлээбит кыттааччыларыгар гимназия Instagram сирэйин нөҥүө куоластыахтара. Кылаас үлэлэрин көрөр-истэр, сыаналыыр анал Дьүүллүүр сүбэ үлэлиэ.

Тэрийэр бөлөх

Добавить комментарий