Лидердэр оскуолалара онлайн режимҥа ыытылынна.

Алтынньы 26 күнүттэн сэтинньи 6 күнүгэр диэри А.Г. уонна Н.К. Чиряевтар ааттарынан Дьокуускай куораттааҕы национальнай гимназияҕа Лидердэр оскуолалара онлайн режимҥа ыытылынна. 2020-2021 үөрэх дьылын Президеҥҥэ уонна премьер-миниистиргэ талыы быыбара буоларын курдук тэрээһиннээхтик ааста. Гимназия президенигэр уонна премьер-миниистиригэр бэйэлэрин кандидатураларын биэрэн кытыннылар №1 «ЧЫПЧААЛ» хамаанда: Ефимова Дайаана, Иванова Милена 10 «б» кыл. (Илларионова В.И.), №2 «ЧАҔЫЛ» хамаанда: Барахов Данил 10 «б» кыл. (Илларионова В.И.), Константинова Аяна 9 «а» кыл. (Кириллина С.Т.), №3 «КӨҤҮЛ» хамаанда: Поисеев Никита, Абрахов Лев 10 «а» кыл. (Ильина В.А.) уонна №4 «КЭСКИЛ» хамаанда: Максимова Анастасия 10 «б» кыл. (Илларионова В.И.), Павлова Саяна 10 «а» кыл. (Ильина В.А.). Лидердар оскуолаларын чэрчитинэн араастаан тургутан көрүүлэр буолбуттарыгар кандидаттар ситиһиилээхтик кытыннылар.
Быыбар түмүгүнэн 81 куолаһы ылан, кыайыылааҕынан таҕыстылар № 2 «Чаҕыл» хамаанда кандидаттара 10 «б», 9 «а» кылаастар үөрэнээччилэрэ Барахов Данил уонна Константинова Аяна. Саҥа талыллыбыт президени, премьер-миниистири Барахов Данилы уонна Константинова Аянаны эҕэрдэлээн туран, инники эппиэтинэстээх, түбүктээх үлэлэригэр ситиһиилэри баҕарабыт.




Бары кандидаттар Лидердэр оскуолаларын ааспыттарын уонна тургутууларга ситиһиилээхтик кыттыбыттарын туоһулуур сертификаттарынан, грамоталарынан наҕараадаланаллар.
Лидердэр оскуолаларыгар кыттыбыт бары кандидаттарга, тэрээһиннэри ыытыспыт, элбэх түбүгү көрсүбүт, күүс-көмө буолбут, убаастабыллаах учууталларбытыгар, гимназия үлэһиттэригэр, Дьүүллүүр сүбэбитигэр, кандидаттары сэҥээрэн көрөн-истэн, сыаналаан, куоластааһыҥҥа көхтөөхтүк кыттыбыт бары гимназистарга, учууталларга, гимназия үлэһиттэригэр махтанабыт.
Сырдыкка ырааска дьулуһуохха,
Кэрэҕэ үтүөҕэ үөрэниэххэ.
Ып-ыраас санааны тобулуохха,
Иннибит хоту үрдүккэ талаһыахха.

#Школа лидеров

Добавить комментарий